پاکستان شوبز انڈسٹری کی اداکارہ نازش جہانگیر نے دل ٹوٹنے کا سوال نظر انداز کرتے ہوئے ارینج میرج کرنے کا اشارہ دے دیا۔
نازش نے ایک نجی ٹی وی کے شو میں ساتھی اداکار خوشحال خان کے ساتھ شرکت کی جہاں انہوں نے اپنی آنے والی رومانوی کامیڈی فلم ‘پوپی کی ویڈنگ’ کے بارے میں بھی مداحوں کو بتایا۔
مزید پڑھیں
نازش سے جب میزبان عمران اشرف نے ان کے دل ٹوٹنے کے بارے میں سوال کیا تو انہوں نے مزاحیہ انداز میں کہا کہ ان کا دل کبھی نہیں ٹوٹا، اسی لیے وہ آج زندہ ہیں اور پروگرام میں شریک ہیں۔
تاہم جب ان سے پوچھا گیا کہ کیا انہوں نے کبھی کسی کا دل توڑا ہے؟ تو وہ ایک لمحے کے لیے شرما گئیں اور اس سوال کا جواب دینے سے انکار کردیا۔ جب نازش جہانگیر سے شادی کے بارے میں پوچھا گیا تو ان کا کہنا تھا کہ وہ ارینج میرج کریں گی۔
پروگرام میں شریک خوشحال خان نے کہا کہ انہیں یک طرفہ محبت پسند ہے کیونکہ محبت کرنے والے کی اپنی مرضی ہوتی ہے کہ وہ جس سے محبت کرتا ہے اس کے بارے میں جتنا چاہے سوچے۔
