سعودی عرب کے ولی عہد شہزادہ محمد بن سلمان کے آئندہ ہفتے دورہ پاکستان کا امکان ہے۔
میڈیا رپورٹس کے مطابق 10 سے 15 مئی کے دوران سعودی ولی عہد شہزادہ محمد بن سلمان کی پاکستان آمد متوقع ہے۔
مزید پڑھیں
وزیراعظم پاکستان شہباز شریف نے اپنا دورہ سعودی عرب کے دوران شہزادہ محمد بن سلمان کو پاکستان کے دورے کی دعوت دی تھی۔
میڈیا رپورٹس کے مطابق شہزادہ محمد بن سلمان کا دورہ پاکستان میں سعودی عرب کی سرمایہ کاری کے سلسلے کی ایک کڑی ہے۔
واضح رہے کہ اس وقت بھی سعودی عرب کا اہم تجارتی وفد پاکستان میں موجود ہے۔
حکومتی ترجمان کے مطابق ابھی تک سعودی ولی عہد شہزادہ محمد بن سلمان کے دورہ پاکستان کی تاریخ کا حتمی فیصلہ نہیں ہوا۔
