شیر افضل کو پی ٹی آئی کی کورکمیٹی اور سیاسی کمیٹی سے نکال دیا گیا

پی ٹی آئی فعال رکن شیرافضل مروت کو پی ٹی آئی کی کورکمیٹی اور سیاسی کمیٹی سے نکال دیا گیا۔

’سابق وزیراعظم آزاد کشمیر پی ٹی آئی پولیٹیکل کمیٹی میں شامل‘

عمر ایوب نے اعلان کیا کہ بانی چیئرمین پی ٹی آئی عمران خان نے ہدایت کی ہے کہ سابق وزیراعظم آزاد کشمیر قیوم نیازی کو پارٹی کی پولیٹیکل کمیٹی میں شامل کیا جائے۔

عارف علوی کو اہم ذمہ داری سونپی ہے

جنرل سیکریٹری پی ٹی آئی کا کہنا تھا کہ آج بانی پی ٹی آئی سے ہماری تفصیلی ملاقات ہوئی، بانی پی ٹی آئی نے عارف علوی کو اہم ذمہ داری سونپی ہے، پنجاب حکومت کی جانب سے پی ٹی آئی ورکرز کی گرفتاریوں کی مذمت کرتے ہیں۔

عمرایوب کا کہنا تھا کہ کل وکیلوں کے ساتھ جو ہوا اس کی بھی مذمت کرتے ہیں، پارٹی کا سیکریٹری جنرل ہوں لیکن فیصلوں کا اختیار بانی پی ٹی آئی کا ہے، اڈیالہ جیل میں ملنا نہ ملنا میرا اختیار نہیں، بانی پی ٹی آئی کو انفارمیشن ملتی رہتی ہے، وہ اخبارات بھی پڑھتے ہیں، مجھے لیڈر آف اپوزیشن بنانےکا حکم بانی پی ٹی آئی نے دیا تھا۔

9 مئی میں چند فوجیوں کو سزا ملی پوری فوج کو نہیں تو چند عناصر کی سزا پوری پی ٹی آئی کو کیوں، عارف علوی

سابق صدر ڈاکٹر عارف علوی نے عمران خان کو دنیا کا مقبول ترین لیڈر قرار دیتے ہوئے کہا کہ پاکستان میں ان کی 80 فیصد تک مقبولیت ہے جو دنیا کے کسی لیڈر کو حاصل نہیں۔

عارف علوی نے کہا کہ فوج کی اپنی پریس کانفرنس میں بتایا گیا کہ 9 مئی واقعات میں ملوث فوجیوں کو سزا دی گئی ہے تو ہمارا سوال یہ ہے کہ پوری فوج کو تو سزا نہیں دی گئی حالاں کہ 9 مئی کا الزام پی ٹی آئی کے چند افراد پر تھا لیکن پوری پارٹی کو اس کی سزا دے دی گئی۔

سابق صدر مملکت نے مزید کہ پوری پارٹی پر پابندی لگ گئی، اسے دبا دیا گیا اور اس کا انتخابی نشان چھین لیا گیا اور یہ زیادتیاں اب بھی جاری ہیں، یہ کیسا انصاف ہے؟

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں