مقامی اخبار میں رپورٹ ہونے والی خبروں کے مطابق سابق وزیر اعظم عمران خان دو مختلف مقدمات میں ضمانت میں توسیع اور حاضری سے استتثنیٰ قبول کر لیا گیا ہے۔
اسلام آباد میں درج کیے مقدمے میں چیئرمین پی ٹی آئی عمران خان کی ضمانت میں 31جنوری تک توسیع کردی گئی۔
اسلام آباد کے ایڈیشنل سیشن جج ظفراقبال نےعمران خان کےخلاف تھانہ سیکریٹریٹ میں درج مقدمے میں چیئرمین پی ٹی آئی کی ضمانت میں 31 جنوری تک توسیع کردی۔
دوسری طرف اسلام آباد کے ایڈیشنل سیشن جج ظفر اقبال نے توشہ خانہ ریفرنس میں عمران خان کے خلاف فوجداری کارروائی سے متعلق کیس کی سماعت کی۔
وکیل علی بخاری کی جانب سے فروری میں اگلی سماعت کی تاریخ دینے کی استدعاکی گئی، الیکشن کمیشن کے وکیل سعدحسن نے عدالت میں پیش ہو کر آج عمران خان کی حاضری سے استثنیٰ کی درخواست پر اعتراض اٹھاتے ہوئےکہا عمران خان کی ضمانت تب تک منظور نہیں ہوسکتی جب تک وہ خود عدالت کےسامنے پیش نہیں ہوجاتے،آج اگر عمران خان پیش نہیں ہوتےتو ان کے وارنٹ گرفتاری جاری کیے جائیں۔
تاہم عدالت نے عمران خان کی آج حاضری سے استثنیٰ کی درخواست منظور کرتےہوئے اگلی سماعت پر حاضری کےلیے عمران خان کو نوٹس جاری کردیا۔
بعد ازاں عدالت نے 31 جنوری تک کیس ملتوی کردیا۔
