شدید گرمی اور ہیٹ ویو کے خدشے کے پیش نظر اسلام آباد کے تعلیمی اداروں کے تدریسی اوقات تبدیل کردیے گئے ہیں۔
مزید پڑھیں
سیکریٹری ایجوکیشن محی الدین وانی کے مطابق آنے والے دنوں میں وفاقی دارالحکومت اسلام آباد میں شدید گرمی اور ہیٹ ویو کا خدشہ ہے، جس کے باعث اسلام آباد کے تعلیمی اداروں میں تدریسی اوقات میں تبدیلی کی گئی ہے۔
محی الدین وانی کے مطابق گرمیوں کی چھٹیوں تک نئے اوقات کار فوری طور پر لاگو کردیا گیا ہے، اسلام آباد میں تعلیمی ادارے صبح 7 بجے سے دوپہر ڈیڑھ بجے تک کھلے رہیں گے۔
سیکریٹری ایجوکیشن کا کہنا ہے کہ تعلیمی اداروں کے اوقات کار میں تبدیلی کا مقصد طلبا اور اساتذہ کا تحفظ ہے۔
