وزیر مذہبی امور چوہدری سالک حسین نے کہا ہے کہ حج انتظامات ہر سال بہتری کی طرف گامزن ہیں۔ پاکستان حج مشن کی انتھک محنت کی بدولت سرکاری سکیم کے اخراجات خطہ میں سب سے کم ہیں۔ پاکستان حج مشن پڑوسی ممالک سے حج اخراجات کا تقابل عوام کے سامنے رکھے۔ بزرگ اور نیم خواندہ عازمین حج کو موبائل ایپ اور سم کے استعمال میں معاونت فراہم کی جائے گی۔
مزید پڑھیں
وزیر مذہبی امور چوہدری سالک حسین نے مدینہ منورہ میں پاکستانی عازمین حج کی رہائش گاہوں کا اچانک دورہ کرکے عازمین کرام سے حج انتظامات بارے آرا حاصل کیں۔ عازمین حج کا کہنا تھا کہ پاکستان اور سعودی عرب میں موجودہ حکومت کے انتظامات پہلے سے بھی بہتر ہیں۔ رہائش گاہیں، خوراک، سفری سہولیات اور عملہ کی خدمات مثالی ہیں۔
وزیر مذہبی امور آج کیٹرنگ کمپنیوں اور سعودی ادارے ’ادلاء مدینہ‘ کا دورہ بھی کریں گے۔
