وزیر مذہبی امور چوہدری سالک حسین کا مدینہ منورہ کی مختلف کیٹرنگ کمپنیوں کا دورہ کیا، اور اس دوران عازمین حج کےلیے کھانوں کی تیاری اور پیکنگ کے مختلف مراحل کا معائنہ کیا۔
مزید پڑھیں
اس موقع پر گفتگو کرتے ہوئے وزیر مذہبی امور کا کہنا تھا کہ اللہ کے مہمانوں کی خدمت کے تمام شعبہ جات بہترین کام کر رہے ہیں، انہوں نے ہدایت کی کہ آٹا، چاول، سبزی، گوشت، دالوں اور مصالحوں کے معیار کا خاص خیال رکھا جائے۔
چوہدری سالک حسین نے کہا کہ کیٹرنگ کمپنیاں کوشش کریں کہ تمام اجناس، مصالحہ جات اور گوشت پاکستان کا استعمال کیا جائے۔ پاکستانی اجناس ومصالحہ جات استعمال کرنے سے نہ صرف پاکستان کو فائدہ ہو گا بلکہ پاکستانی ذائقہ بھی برقرار رہے گا۔
آن لائن سروے
وزیر مذہبی امور نے عازمین کرام کے فیڈ بیک کے لیے پاک حج موبائل ایپ کے ذریعے آن لائن سروے کروانے پر اصولی اتفاق کیا۔
