نائب وزیراعظم و وزیر خارجہ سینیٹر محمد اسحاق ڈار نے کرغزستان کے وزیر خارجہ سے ملاقات کی اور غیرملکی طلبا کے ساتھ پیش آنے والے افسوسناک واقعات پر تبادلہ خیال کیا۔
اسحاق ڈار کی کرغز وزیر خارجہ سے ملاقات میں دیرینہ دوستانہ تعلقات اور دونوں ممالک کے درمیان عوام کے درمیان رابطوں کو مضبوط بنانے کے عزم کا اعادہ کیا گیا۔
مزید پڑھیں
نائب وزیر اعظم نے کرغز حکومت کی جانب سے بدامنی کے دوران حالات معمول پر لانے اور پاکستانی طلبا کی فلاح و بہبود کو یقینی بنانے کے لیے اس کے فوری اقدام پر شکریہ ادا کیا۔
نائب وزیراعظم نے امید ظاہر کی کہ پاکستانیوں کے خلاف تشدد کی حالیہ کارروائیوں کے ذمہ داروں کا محاسبہ کیا جائے گا۔
کرغز وزیر خارجہ نے امن و امان کی بحالی کے لیے کرغز حکام کی طرف سے اٹھائے گئے اقدامات کی وضاحت کی۔ اور ہجومی فسادات کے مرتکب افراد کی گرفتاری، مقدمہ چلانے اور سزا دینے کے پختہ عزم کا اعادہ کیا۔
اسحاق ڈار کی بشکیک میں زخمی ٹیکسٹائل ورکر شاہ زیب سے ملاقات
قبل ازیں نائب وزیر اعظم اور وزیر خارجہ سینیٹر محمد اسحاق ڈار نے بشکیک میں پاکستانی ٹیکسٹائل ورکر شاہ زیب سے ملاقات کے لیے نیشنل اسپتال بشکیک کا دورہ کیا۔ شاہ زیب حالیہ ہجومی تشدد کے دوران زخمی ہوئے تھے۔
اسحاق ڈار نے شاہ زیب کی خیریت دریافت کی جنہوں نے پاکستان واپسی کی خواہش کا اظہار کیا۔
نائب وزیراعظم کی خصوصی درخواست پر کرغز حکام نے انہیں ڈسچارج کرنے اور پاکستان میں مزید علاج کرانے کا فیصلہ کیا۔ نائب وزیر اعظم اور وزیر خارجہ سینیٹر محمد اسحاق ڈار نے بھی کرغزستان کے ڈپٹی چیئرمین کیبنٹ آف منسٹرز ایڈل بیسالوف کے ساتھ ملاقات بھی ملاقات کی۔
اسحاق ڈار نے جمہوریہ کرغزستان میں مقیم پاکستانی ٹیکسٹائل ورکرز کی فلاح و بہبود سے متعلق امور کو اٹھایا۔
