پاکستانی اداکار بلال عباس کے ڈرامے ‘عشق مرشد’ کے کردار ‘فضل بخش’ کی کاپی کرتے ہوئے شاہمیر نامی ایک بچے کی تصاویر سوشل میڈیا پر وائرل ہو گئیں جسے صارفین کی جانب سے بے حد پسند کیا جا رہا ہے۔
’ماما اینڈ شاہمیر‘ کے نام سے انسٹاگرام پر موجود ایک صارف نے اپنے بیٹے کی تیسری سالگرہ کی تصاویر اور ویڈیوز اکاؤنٹ پر شیئر کیں جن میں ننھا شاہمیر عشق مرشد ڈرامے میں بلال عباس کے کردار’فضل بخش‘ کو کاپی کرتا نظر آیا۔
اس پوسٹ کے کیپشن میں صارف نے لکھا کہ یہ فضل بخش انسپائرڈ تھیم سالگرہ ہے کیونکہ شاہمیر اور اس کے والد کو عشق مرشد میں فضل بخش کا کردار بے حد پسند آیا تھا اس لیے شاہمیر کے والد نے اس کی تیسری سالگرہ کا تھیم اسی کردار پر رکھ دیا اور شاہمیر بھی اس کردار کو نبھانے کے لیے بہت پُرجوش تھا۔
View this post on Instagram
ننھے فضل بخش کی سالگرہ کی تصاویر سوشل میڈیا پر خوب وائرل ہورہی ہیں جن میں وہ عشق مرشد ڈرامے میں فضل بخش کے کردار کی نقل کرتے دکھائی دے رہے ہیں، کچھ صارفین کو ان یہ انداز بھایا تو کسی نے مشورہ دے ڈالا کہ عشق مرشد کے سیزن ٹو میں اس بچے کو شبرہ اور شاہمیر کے بیٹے کے طور پر کاسٹ کیا جائے۔
View this post on Instagram
واضح رہے کہ ڈراما ‘عشق مرشد’ 8 اکتوبر 2023 کو آن ایئر ہوا، جو عوام میں بے حد مقبول ہوا۔ اس ڈرامے میں بلال عباس کے ساتھ اداکارہ درِفشاں کو کاسٹ کیا گیا جن کی آن اسکرین جوڑی کو ناظرین کی جانب سے بے حد پسند کیا گیا۔
