لاہور ہائیکورٹ میں پیٹرولیم مصنوعات کی قیمتوں میں وزیراعظم شہباز شریف کے احکامات نظر انداز کرتے ہوئے پٹرول کی قیمت میں 15 روپے فی لیٹر کمی نہ کرنے کا اقدام چیلنج کردیا گیا ہے۔
مزید پڑھیں
مقامی وکیل اظہر صدیق کی جانب سے دائر کی گئی درخواست میں مؤقف اختیار کیا گیا ہے کہ عالمی سطح پر پیٹرولیم مصنوعات کی قیمتوں میں بڑے پیمانے پر کمی ہوئی، وزیراعظم نے پیٹرول کی قیمت میں 15 روپے فی لیٹر کمی کے احکامات جاری کیے تھے تاہم وزارت خزانہ نے وزیراعظم کی احکامات مسترد کرکے غیر قانونی اقدام کیا۔
درخواست میں استدعا کی گئی کہ عدالت وزارت خزانہ کو وزیراعظم کی سفارش کے مطابق پیٹرول کی قیمت میں کمی کا نوٹیفکیشن جاری کرنے کا حکم دے۔
