الیکشن کمیشن نے لیگی رہنماؤں کی درخواست پر اسلام آباد کے تینوں حلقوں سے منتخب ہونے والے اراکین قومی اسمبلی کے خلاف شکایات کا معامل دوسرے ٹربیونلز بھیجنے کی منظوری دے دی۔ الیکشن کمیشن نے درخواست منظور کرتے ہوئے میں ٹربیونل جج تبدیل کرنے کی ہدایت کی۔
الیکشن کمیشن نے مسلم لیگ ن کے انجم عقیل، طارق فضل چوہدری اور خرم نواز کی درخواست منظور کرلی۔ الیکشن کمیشن نے درخواست پر فیصلہ سناتے ہوئے تینوں حلقوں سے متعلق درخواستیں دوسرے ٹریبیونلز منتقل کرنے کی ہدایت کر دی۔
مزید پڑھیں
ٹریبیونل کی تبدیلی کے لیے اسلام آباد کے ایم این ایز کی درخواستوں پر الیکشن کمیشن نے محفوظ فیصلہ سنایا، اسلام آباد سے مسلم لیگ ن کے تینوں ارکان قومی اسمبلی نے الیکشن ٹریبیونل پر عدم اعتماد کا اظہار کیا تھا۔
لیگی ممبران اسمبلی نے الیکشن ٹربیونل پر تعصب اور مفادات کے ٹکراؤ کا الزام لگایا تھا۔ جس پر الیکشن کمیشن نے کیسز دوسرے ٹریبیونل کو منتقل کرنے کی استدعا منظور کی۔
یاد رہے کہ فروری 2024 کے عام انتخابات میں اسلام آباد کی تینوں نشستوں پر کامیاب ہونے والے مسلم لیگ ن کے امیدواروں کے خلاف مخالف امیدواروں نے دھاندلی کے الزامات عائد کیے تھے۔
اسلام آباد ہائیکورٹ نے مسلم لیگ ن کے تینوں رہنماؤں کی کامیابی کے نوٹیفکیشن معطل کر دیے تھے جبکہ معاملہ الیکشن ٹربیونل میں تھا۔ لیگی رہنماؤں نے الیکشن ٹربیونل پر عدم اعتماد کا اظہار کرتے ہوئے معاملہ دوسرے ٹربیونلز کو بھیجنے کی درخواست دائر کی تھی۔
واضح رہے چند روز قبل الیکشن کمیشن نے مسلم لیگ ن کے رہنماؤں کی درخواستوں پر فیصلہ محفوظ کیا تھا، جو آج سنا دیا۔
