خفیہ سفر طے کرکے خلا میں پہنچنے والا بن بلایا مہمان خلانوردوں کے لیے مصیبت بن گیا

منگل 11 جون 2024
icon-facebook icon-twitter icon-whatsapp

یوں تو کیڑے مکوڑے زمین پر انسان کے لیے اکثر مشکلات کھڑی کردیتے ہیں لیکن اب یہ انسان کے پیچھا کرتے کرتے خلا میں بھی پہنچ گئے ہیں اور وہاں کے ماحول میں پہلے سے بھی خوب تگڑے ہوکر لوگوں خصوصاً خواتین خلانوردوں کو ڈراتے پھر رہے ہیں۔ ایسا ہی کچھ آج کل ناسا کے بین الاقوامی خلائی اسٹیشن میں چل رہا ہے۔

غیر ملکی میڈیا کے مطابق خلائی اسٹیشن میں موجود ہندوستانی خاتون سنیتا ولیمز اور عملے کے 8 دیگر ارکان اپنے ٹینشن بھرے کاموں کے علاوہ ایک اور پریشانی کا شکار ہوگئے ہیں کیوں کہ ان کے اردگرد ایک سپر بگ چھپا بیٹھا ہےجو ظاہر ہے کبھی بھی چہل قدمی کرنے اسٹیشن کا گشت بھی کرسکتا ہے۔

یہ ‘Enterobacter bugandensis’ نامی بیکٹیریا ہے جو خلائی اسٹیشن کے بند ماحول میں زیادہ طاقتور ہوکر اپنے زمینی بھائی بندوں سے بالکل مختلف اور خوفناک سے بھی ہوگیا ہے اور مصیبت یہ ہے کہ اس پر کیڑے مار ادویات کا بھی کوئی اثر نہیں ہوتا۔

مزید تشویش کی بات یہ ہے کہ یہ سپر بگ انسانی نظام تنفس کو متاثر کرتا ہے۔

یہ کیڑے ایسے نہیں کہ زمین کے علاوہ بھی کہیں پائے جاتے ہوں بلکہ یہ خلائی سفر پر نکلنے والے خلا نوردوں کے ساتھ ہی چھپ چھپا کر سفر کرتے خلا میں پہنچ گئے ہیں۔

سنیتا ولیمز اور ان کے ساتھی خلا نورد بیری یوجین ولمور 6 جون 2024 کو نئے بوئنگ اسٹار لائنر خلائی جہاز پر سوار ہو کر  بین الاقوامی خلائی اسٹیشن (آئی ایس ایس) پہنچے اور امکان ہے کہ وہ زمین کے نچلے مدار میں گردش کرنے والی لیبارٹری میں ایک ہفتہ سے زیادہ وقت گزاریں گے۔ واضح رہے کہ نئے خلائی جہاز کو ڈیزائن کرنے کے سلسلے میں سنیتا کی خدمات بھی شامل ہیں۔

عملے کے 7 دیگر ارکان طویل عرصے سے آئی ایس ایس پر رہ رہے ہیں۔ عام طور پر آئی ایس ایس کی پریشانی اڑتے ہوئے خلائی ملبے اور مائیکرو میٹیورائٹس سے ہوتی ہے لیکن اب اس سپر کیڑے نے جو شریک سفر بن کر خلائی اسٹیشن پر رہنے آگیا ہے ایک نئی پریشانی بن چکا ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

مویشی منڈیوں کے علاوہ جانور کہیں فروخت نہیں ہوں گے، پنجاب بھر میں دفعہ 144 نافذ

چیف جسٹس لاہور ہائیکورٹ نے مزید 6 الیکشن ٹربیونلز تشکیل دیدیے

پاکستان ریلوے نے عید الاضحیٰ کی خصوصی ٹرینوں کا شیڈول جاری کر دیا

وفاقی وزیر مذہبی امور کا عازمین حج کی رہائش گاہوں اور ہسپتال کا دورہ، پاکستان کے لیے دعاؤں کی درخواست

ڈیجیٹل ڈرائیونگ سینٹر جہاں پر سمولیٹر کے ذریعے خواتین کو ڈرائیونگ سکھائی جاتی ہے

ویڈیو

ڈیجیٹل ڈرائیونگ سینٹر جہاں پر سمولیٹر کے ذریعے خواتین کو ڈرائیونگ سکھائی جاتی ہے

وفاقی اور پنجاب حکومت میں شامل ہونے کا ابھی تک اشارہ نہیں ملا، رہنما پیپلزپارٹی حسن مرتضیٰ

بالی ووڈ اسٹار شاہ رخ خان کے لیے عید قربان پر پشاوری چیل کا خصوصی تحفہ

کالم / تجزیہ

’آپ مہدی حسن جیسی آواز کہاں سے لائیں گے‘

کیا سرجری کی ضرورت صرف کرکٹ ٹیم کو ہے؟

پاک بھارت میچ کا آنکھوں دیکھا حال!