پنجاب اسمبلی میں پاکستان پیپلز پارٹی کے پارلیمانی لیڈر علی حیدر گیلانی نے کہا ہے کہ پی پی پی کے پارلیمانی پارٹی کے آج ہونے والے اجلاس میں طے کیا جائے گا کہ ان کی جماعت صوبائی بجٹ میں حکومت پنجاب کا ساتھ دے گی یا نہیں۔
مزید پڑھیں
لاہور میں صحافیوں سے گفتگو کرتے ہوئے علی حیدر گیلانی نے کہا کہ حکومت کے اتحادی کی حیثیت سے جو وعدے پیپلز پارٹی سے کیے گئے، وہ پورے نہیں کئے گئے۔
انہوں نے کہا کہ صرف بجٹ ہی نہیں اتحادی حکومت کے معاملات پر بھی تحفظات ہیں، جنوبی پنجاب سیکریٹریٹ کو رول بیک کرنے کے معاملے پر بھی آواز اٹھائی ہے۔
رہنما پی پی پی علی حیدر گیلانی کا مزید کہنا تھا کہ ن لیگ اور پیپلز پارٹی ایک کشتی میں سوار ہیں، اگر وعدے پورے نہیں ہوتے تو دونوں کا نقصان ہوگا۔
انہوں نے کہا کہ کسانوں سے متعلق معاملات اور جنوبی پنجاب کے فنڈز کے حوالے سے بھی ہم مطمئن نہیں، ہم سیاسی بوجھ اٹھا رہے ہیں تو ن لیگ کو بھی شیئر کرنا ہوگا۔