سندھ کے ضلع سانگھڑ میں سنگدل وڈیرے نے تیزدھار آلے سے اونٹ کی ٹانگ کاٹ دی ہے، جبکہ پولیس نے وڈیرے کے خلاف مقدمہ درج کرنے کے بجائے نامعلوم افراد کے خلاف مقدمہ درج کرلیا۔
سندھ کے ضلع سانگھڑ کے علاقے منڈ جمڑاؤ کے شہری سومربَھَن کے مطابق ان کا اونٹ ایک وڈیرے کی زرعی زمین پر چلا گیا تھا، جس پر وڈیرے نے ملازمین کے ہمراہ اونٹ پر تشدد کیا اور پھر تیز دھار آلے سے اونٹ کی ٹانگ کاٹ دی۔
مزید پڑھیں
سومربَھَن اپنے اونٹ کی ٹانک لے کر پریس کلب سانگھڑ پہنچ گیا اور میڈیا کو بتایا کہ ظالم اور بااثر وڈیرے نے کس طرح زرعی زمین سے گزرنے پر بے زبان اونٹ کی ٹانگ کاٹ دی، معاملہ میڈیا پر آنے کے بعد پولیس نے واقعے کا مقدمہ وڈیرے کے خلاف درج کرنے کے بجائے نامعلوم افراد کے خلاف درج کرلیا۔
واقعہ سانگھڑ کے منگلی تھانے کی حدود منڈھ جمڑاؤ کے قریب پیش آیا ہے۔
وڈیرے کے اس ظالمانہ اقدام پر سوشل میڈیا صارفین شدید صدمے میں ہیں، اور مطالبہ کررہے ہیں کہ وڈیرے کو قانون کے کٹہرے میں لا کر اس کے خلاف سخت سے سخت کارروائی کی جائے۔
سوشل میڈیا پلیٹ فارم ایکس پر صارف محمد رضا نے لکھا کہ ظالموں نے اس غریب کے اونٹ کی ایک ٹانگ کاٹ کر خدا کے قہر کو آواز دی ہے، سانگھڑ کے ظالم زمیندار غلام رسول شر کو کیفر کردار تک پہنچانے میں اپنا کردار ضرور ادا کریں۔
’نام کا غلام رسول اور کام دیکھیں، کیا ایسے ہوتے ہیں رسول کے غلام نعوذ باللہ، جس وڈیرے نے آج اونٹ کی ٹانگ کاٹی ہے، وہی اونٹ آج اپنے کائنات کے مالک کو گڑگڑا کر اپنا دکھ سنا رہا ہے۔‘
سندھ کے شہر سانگھڑ میں ایک غریب کا اونٹ وڈیرے کی زمین پہ غلطی سے گیا تو وڈیرے نے اس کا پاؤں کاٹ دیا نعوذ باللہ اونٹ بھی سوچتا ہوگا کاش میں کسی غیر مسلم کے ملک میں پیدا ہوتا۔
حضرت صالح علیہ السلام کی اونٹنی کے قاتل تین لوگ تھے اور غرق پوری قوم ہوئ تھی باقیوں کا قصور یہ تھا کہ وہ… pic.twitter.com/xW2ALOgqXy— Muhammad Raza (@5mraza) June 15, 2024
ٍٍٍٍٍٍٍٍٍٍٍٍٍ
ٍایک اور ٍایکس صارف عباس بگٹی جرنلسٹ نے لکھا کہ ایک بااثر وڈیرے نے کلہاڑی سے ایک شخص سومربَھَن کے اونٹ کی ٹانگ کاٹ دی، کیونکہ بے زبان جانور اس کی فصل میں گھس گیا تھا، سندھ حکومت کو چاہیے ایکشن لے ۔
یہ خبر سندھ کے ایک شہر سانگھڑ سے آئی ہے جس کے مطابق منگلی تھانے کی حدود میں ایک گاؤں منڈ جمڑاو میں پیش آیا ہے ، ایک بااثر وڈیرے نے کلہاڑی سے ایک شخص سومر بہن کے اونٹ کی ٹانگ کاٹ دی کیونکہ بے زبان جانور اس کی فصل میں گھس گیا تھا۔
سندھ حکومت کو چاہیے ایکشن لے ۔@BBhuttoZardari pic.twitter.com/Qxd4ZlKXZj— Abbas Bugti journalist (@Abbasbugti51) June 14, 2024
