لسبیلہ میں ایس ایس پی لسبیلہ کے اسکواڈ میں شامل پولیس موبائل حادثے کا شکار، 5 پولیس اہلکار شہید 2 زخمی ہوگئے۔
لسبیلہ میں دبئی مسجد کے قریب ایس ایس پی لسبیلہ کے اسکواڈ میں شامل پولیس موبائل اس وقت حادثے کا شکار ہوگئی، جب وہ اسکواڈ کے ہمراہ دریجی سے اوتھل کے لیے محو سفر تھی۔
حادثے کے سبب موبائل میں سوار 5 پولیس اہلکار شہید جب کہ 2 زخمی ہو گئے۔ زخمیوں اور جاں بحق اہلکاروں کی لاشوں کو ڈسٹرکٹ ہیڈ کوارٹر ہسپتال اوتھل منتقل کیا گیا۔
جاں بحق ہونے والے 2 پولیس اہلکاروں کا تعلق بیلہ جب کہ 3کا تعلق اوتھل سے ہے۔
