پاکستان کی ویٹرن اداکارہ بشریٰ انصاری بے پناہ ٹیلنٹ کی مظہر ہیں۔ وہ گانا، اداکاری اور لائیو پرفارم کر سکتی ہیں۔ وہ یقینی طور پر ایک لیجنڈ ہیں اور ہر عمر کے لوگ ان سے محبت کرتے ہیں کیونکہ انہوں نے اپنی لازوال اداکاری کے ذریعے مداحوں کو گزشتہ کئی دہائیوں سے اپنے سحر میں جکڑا ہوا ہے۔
مزید پڑھیں
بشریٰ انصاری کے نام ان گنت ہٹ پروجیکٹس ہیں اور ان کے مداح ہمیشہ اس بات کے منتظر رہتے ہیں کہ وہ آگے کیا سائن کریں گی۔
انہوں نے حال ہی میں اقبال حسین سے اپنی شادی کا اعلان کیا۔ یہ جوڑا اب کچھ سالوں سے ایک ساتھ ہے اور بشریٰ نے حال ہی میں اس رشتے کا اعلان کرنا مناسب سمجھا۔
اس نئی صورتحال میں انہیں اپنے مداحوں کی طرف سے بہت زیادہ پیار اور دعائیں حاصل ہوئیں اور کیوں نہ ہوتیں یہ ان کا حق بھی تھا۔
وصی شاہ کو انٹرویو دیتے ہوئے بشریٰ انصاری نے ایک تہلکہ خیز انکشاف کیا جو بہت مزیدار ہے۔
یہ بشریٰ کا خاصہ ہے کہ موقع دیکھ کر وہ مذاق کرنے سے کبھی پیچھے نہیں ہٹتیں۔ انہوں نے انکشاف کیا کہ اب انہوں نے ہمایوں سعید کو آپا کہنے سے روک دیا ہے۔
بشریٰ نے مزید کہا کہ ان کے شوہر ہمایوں سے چھوٹے ہیں اس لیے انہیں اب سے آپا کہنے سے گریز کرنا چاہیے۔
ملک کی ہردلعزیز اداکارہ نے ہنستے ہوئے کہا کہ انہیں آپا کہنے سے کوئی فرق نہیں پڑتا کیونکہ لوگ احترام میں کہتے ہیں اور بہرحال یہ میڈم کہلانے سے بہتر ہے۔
