پشاور کے علاقے بڈھ بیر میں زمین کے تنازع پر فائرنگ ہوئی ہے جس کے نتیجے میں 9 افراد جاں بحق ہوگئے۔
پولیس کے مطابق تھانہ بڈھ بیر کی حدود بابا باغ میں جائیداد کے تنازع پر مخالفین نے گھر میں گھس کا اندھا دھند فائرنگ کردی جس کے نتیجے میں 8 افراد موقع پر جاں بحق ہوگئے، تاہم بعد میں ایک اور زخمی دم توڑ گیا۔
ایس ایس پی انویسٹی گیشن نے بتایا ہے کہ ملزمان کی گرفتاری کے لیے ایس پی صدر سرکل کی نگرانی میں 4 ٹیمیں تشکیل دے دی ہیں۔
انہوں نے بتایا کہ جاں بحق ہونے والوں میں خواتین اور بچے بھی شامل ہیں۔ متاثرہ افراد کی جانب سے ایف آئی آر درج کی جارہی ہے۔
