قومی اسمبلی میں آئندہ مالی سال کے بجٹ کی شق وار منظوری دیتے ہوئے وزارت دفاع کے 2149 ارب 82 کروڑ روپے سے زائد کے 4 مطالبات زر منظور کرلیے گئے ہیں۔
مزید پڑھیں
بجٹ پر بحث کے بعد قومی اسمبلی نے انٹیلیجنس بیورو کا 18 ارب 32 کروڑ روپے سے زائد جبکہ اسلام آباد کی ضلعی عدالتوں کے لیے ایک ارب 36 کروڑ روپے سے زائد کے مطالبات بھی منظور کرلیے ہیں۔
ہوا بازی ڈویژن کے 26 ارب 17 کروڑ کے 3 مطالباتِ زر سمیت موسمیاتی تبدیلی کے7 ارب 26 کروڑ 72 لاکھ کے 2 مطالبات زر بھی منظور کرلیے گئے ہیں۔
قومی اسمبلی نے وزارت تجارت کے 22 ارب 73 کروڑ 57 لاکھ روپےکے 2 مطالبات زر، مواصلات ڈویژن کے 65 ارب 31 کروڑ 50 لاکھ 59 ہزار کے 4 مطالبات زر، جبکہ دفاعی پیداوار ڈویژن کے 4 ارب 87 کروڑ 9 لاکھ 50 ہزار روپے کے 2 مطالبات زر بھی منظور کیے ہیں۔
