وزیراعلیٰ بلوچستان میرسرفراز بگٹی نے چمن ماسٹر پلان کا افتتاح کردیا ہے۔
جمعرات کے روز وزیراعلیٰ بلوچستان میرسرفراز بگٹی ایک روزہ دورے پر چمن پہنچے، اسپیکر بلوچستان اسمبلی عبدالخالق اچکزئی، صوبائی وزرا اور اراکین اسمبلی بھی ان کے ہمراہ تھے۔
مزید پڑھیں
وزیراعلیٰ بلوچستان نے اس موقع پر ماسٹر پلان کا افتتاح کیا، متعلقہ حکام نے چمن ماسٹر پلان پر وزیراعلیٰ کو بریفنگ دی۔
اس موقع پر گفتگو میں وزیراعلیٰ بلوچستان میر سرفراز بگٹی نے کہا کہ چمن ماسٹر پلان اہمیت کا حامل منصوبہ ہے، اس منصوبے سے وابستہ منصوبوں کی بدولت تجارتی سرگرمیاں تیز ہوں گی۔
میر سرفراز بگٹی نے کہا کہ چمن ماسٹر پلان سے مقامی لوگوں کو روزگار اور تجارت کے مواقع میسر آئیں گے، چمن ماسٹر پلان پر عمل درآمد اور تکمیل پر تمام اسٹیک ہولڈرز کو مبارکباد دیتا ہوں۔
وزیر اعلٰی بلوچستان میر سرفراز بگٹی ایک روزہ دورے پر چمن پہنچ گئے
چمن ماسٹر پلان سے وابستہ منصوبوں کی بدولت تجارتی سرگرمیاں تیز ہوں گی، وزیر اعلٰی بلوچستان pic.twitter.com/WFbbvCzRpS
— Govt. of Balochistan (@dpr_gob) June 27, 2024
وزیراعلیٰ بلوچستان نے کہا کہ پاک افغان سرحدی علاقے چمن میں ترقیاتی منصوبے مقامی افراد کے معاشی استحکام کے ضامن ہیں، چمن کی ترقی اور لوگوں کے روزگار کے ذرائع کے لیے اقدامات اٹھائے جارہے ہیں۔
انہوں نے کہا کہ چمن کے مقامی لوگوں کو روزگار کے لیے قابل عمل پالیسیاں مرتب کی جاررہی ہیں۔
