وزیراعلیٰ بلوچستان میر سرفراز بگٹی اچانک مفتی محمود اسپتال پہنچ گئے جہاں ان کو دیکھ کر عملے کی دوڑیں لگ گئیں۔
وزیراعلیٰ بلوچستان نے ڈاکٹروں سمیت پیرامیڈیکل اسٹاف کی غیر حاضری اور اسپتال میں صفائی کی ابتر صورتحال پر برہمی کا اظہار کیا۔ اور ایم ایس سے کہاکہ پردہ نہ ڈالیں مجھے حقائق سے آگاہ کیا جائے۔
وزیراعلیٰ بلوچستان نے اسپیشل سیکریٹری صحت کو ہدایت دی کہ مفتی محمود اسپتال کے غیر حاضر اسٹاف کو نوکریوں سے فارغ کیا جائے۔
انہوں نے کہاکہ اربوں روپے غریب لوگوں کے علاج معالجے کی مد میں دیے جاتے ہیں لیکن نتائج کچھ نہیں۔
وزیراعلیٰ بلوچستان نے مفتی محمود اسپتال میں ڈاکٹروں اور طبی عملے کی حاضری سمیت صفائی کی صورتحال 2 روز کے اندر اندر بہتر بنانے کی ہدایت کردی۔ اور کہاکہ اگر اصلاح نہ کی گئی تو کارروائی ہوگی۔
