کراچی کے علاقے ملیر الفلاح میں گھریلو جھگڑے جوان سال بیٹے کے قتل پر منتج ہوگئے، 22 سالہ شاہ حسن نے اپنے باپ کو مارنے کے لیے چھری اٹھالی جس پر مشتعل باپ نے جوابی وار کرکے اپنے بیٹے کو قتل کردیا۔
پولیس کے مطابق باپ نے بیٹے کو قتل کرنے کے بعد تھانے پہنچ کر گرفتاری دیدی ہے، لاش کو قانونی کارروائی کے لیے اسپتال منتقل کردیا گیا ہے۔
یہ بھی پڑھیں: کراچی میں آن لائن آم پہنچانے والا آخری پیٹی پہنچانے سے قبل قتل
ابتدائی پولیس معلومات کے مطابق نوجوان شاہ حسن اکثر گھر والوں سے لڑائی جھگڑے کرتا رہتا تھا لیکن آج نوبت یہاں تک پہنچی کہ نوجوان نے باپ کو قتل کرنے کے لیے چھری اٹھالی جس کے بعد باپ نے بیٹے کو قتل کردیا۔
پولیس کے مطابق گھریلو جھگڑے پر باپ کی جانب سے بیٹے کو قتل کرنے کے اس افسوسناک واقعے کی مزید تحقیق کی جارہی ہے، دیکھا جائے گا کہ باپ نے اپنے دفاع میں بیٹے کو قتل کیا ہے یا قتل کا پیشگی ارادہ رکھتے تھے۔
مزید پڑھیں: کم عمر لڑکے کے اغوا اور قتل کے کیس میں 2 ملزمان کو دوہری عمر قید کی سزا
پولیس نے بتایا کہ ملزم باپ کو مزید تفتیش کی غرض سے پولیس حراست میں رکھنے کے لیے عدالت سے اجازت لی جائے گی ریمانڈ ملنے کی صورت میں مزید تفتیش کی جائے گی اور تفتیشی رپورٹ متعلقہ مجسٹریٹ کے روبرو پیش کردی جائے گی۔
