وفاقی حکومت کی جانب سے بجٹ 2024 میں تنخواہوں میں 25 فیصد اضافے کے اعلان کے بعد وزارت خزانہ نے سرکاری ملازمین کی تنخواہوں میں اضافے کا نوٹیفکیشن جاری کردیا ہے، جس کا اطلاق یکم جولائی سے کیا جائے گا۔
وزارات خزانہ کی جانب سے جاری کردہ نوٹیفکیشن کے مطابق گریڈ ایک سے 16 تک کے ملازمین کی تنخواہوں میں 25 فیصد اضافہ کیا گیا ہے۔
مزید پڑھیں: پینشن نظام میں تبدیلی، نئی پینشن اسکیم ہے کیا؟
نوٹیفکیشن کے مطابق گریڈ 17 سے 22 تک کے ملازمین کی تنخواہوں میں 20 فیصد اضافہ کیا گیا ہے، تنخواہوں میں اضافے کا اطلاق یکم جولائی 2024 سے ہوگا۔
وزارت خزانہ کے مطابق وفاقی پنشنرز کی پینشن میں 15 فیصد اضافہ کیا گیا ہے، نوٹیفکیشن کے مطابق پینشن میں اضافے کا اطلاق یکم جولائی 2024 سے ہوگا۔
