امریکی ریاست کیلیفورنیا کے شہر پیٹرسن کے ایک ہائی وے پر ٹماٹروں سے لدا ٹرک اچانک الٹ گیا جس سے پوری سڑک سرخ پوش ہوگئی۔
کیلیفورنیا میں ٹرانزٹ حکام نے بتایا کہ ٹرک الٹ جانے سے اس پر لدے سارے ٹماٹر دور دور تک بکھر گئے جس کے باعث ہائی وے کا ایک حصہ کئی گھنٹوں تک ٹریفک کے لیے بند رہا۔
مزید پڑھیں: نایاب ’ریت کی آبشار‘ کے شاندار نظارے، حقیقت ہے یا نظر کا دھوکا؟
ہائی وے پٹرول کے مطابق ٹرک صبح 8:05 بجے کے قریب پیٹرسن میں انٹراسٹیٹ 5 پر خود ہی الٹ گیا۔ مقامی انتظامیہ کا کہنا ہے کہ اس کے عملے نے سینٹر ڈیوائیڈ سے ٹماٹروں کو ہٹاکر ایک سائیڈ پر کردیا۔
ٹرک اچانک خودبخود ہی الٹ گیا تھا جیسے وہ ٹماٹروں کا بوجھ نہ سہار سکا ہو تاہم حادثے کی اصل وجہ واضح نہیں ہوسکی۔
