تحریک تحفظ آئین پاکستان نے ملک بھر میں احتجاج کی حکمت عملی طے کرلی ہے اور اجلاس میں یہ فیصلہ کیا گیا ہے کہ پہلے مرحلے میں کراچی، فیصل آباد اور اسلام آباد میں جلسے میں جلسے کیے جائیں گے۔
یہ بھی پڑھیں تحریک تحفظ آئین پاکستان: اپوزیشن اتحاد کو پہلا جھٹکا، جلسہ منسوخ
تحریک تحفظ آئین پاکستان نے اجلاس میں یہ فیصلہ کیا ہے کہ جلسے کرنے کے لیے این او سی کے حصول کی خاطر قانونی کارروائی مکمل کی جائے گی، لیکن اگر پھر بھی این او سی نہ دیے گئے تو پھر جلسے ہر صورت میں ہوں گے۔
تحریک تحفظ آئین پاکستان کے اجلاس میں یہ فیصلہ کیا گیا ہے کہ دوسرے مرحلے میں ضلعی ہیڈ کوارٹرز میں ریلیاں نکالی جائیں گی، اور ریلیوں کا مقصد خیبر پختونخوا میں آپریشن کی مخالفت، سیاسی قیدیوں کی رہائی اور مہنگائی کے خلاف احتجاج ہوگا۔
یہ بھی پڑھیں تحریک انصاف کی نئی احتجاجی حکمت عملی کیا ہے؟
واضح رہے کہ تحریک تحفظ آئین پاکستان حکومت کے خلاف اپوزیشن جماعتوں کا اتحاد ہے جس میں پاکستان تحریک انصاف سمیت دیگر سیاسی جماعتیں شامل ہیں، اور محمود اچکزئی اس کے سربراہ ہیں۔
