مرکزی حکومت نے توشہ خانہ سے متعلق نئے ریفرنس کے لیے بانی پی ٹی آئی، سابق وزیر اعظم عمران خان اور ان کی بیگم بشریٰ بی بی کے جیل ٹرائل کا نوٹیفکیشن جاری کردیا۔
یہ بھی پرھیں:نیب ٹیم نے نئے توشہ خانہ ریفرنس میں عمران خان اور بشریٰ بی بی کو گرفتار کرلیا
انگریزی روزنامے میں شائع خبر کے مطابق جیل ٹرائل کا نوٹیفکیشن نیب آرڈیننس 1999 کی سیکشن 16 بی کے تحت جاری کیا گیا۔
نوٹیفیکییشن کے مندرجات کے مطابق امن امان کی صورت حال کے پیش نظر نیب عدالت اگر ضروری سمجھتی ہے تو عمران خان اور بشریٰ بی بی کا ٹرائل جیل ہی میں کرے۔
اس نوٹیفیکیشن کے اجرا سے متعلق سابق وزیر اعظم اور سابق خاتون اول کے وکلا کو مطلع کردیا گیا ہے۔
واضح رہے کہ گزشتہ روز نیب نے بانی پی ٹی آئی عمران خان اور ان کی بیگم بشریٰ بی بی کو عدت نکاح کیس میں ضمانت ملنے کے فوری بعد توشہ خانہ کے ایک نئے ریفرنس میں گرفتار کرلیا تھا۔
یہ بھی پڑھیں:عمران خان نے توشہ خانہ سے 7 گھڑیاں خلاف قانون لیں، ایک اور انکوائری رپورٹ سامنے آگئی
نیا کیس کیا ہے؟
کوئی ادارہ برائے احتساب کی انکوائری رپورٹ کے مطابق نیا کیس 7 گھڑیوں سمیت 10 قیمتی تحائف خلاف قانون پاس رکھنے اور بیچنے سے متعلق ہے۔
