نیوزی لینڈ نے سہ فریقی سیریز اور چیمپیئنز ٹرافی کھیلنے کے لیے اپنی کرکٹ ٹیم پاکستان بھیجنے کا اعلان کردیا۔
کرکٹ نیوزی لینڈ نے اپنے سیزن کے شیڈول میں پاکستان میں فروری 2025 میں چیمپئنز ٹرافی کھیلنے اور اس سے پہلے اسی ماہ سہ فریقی سیریز کھیلنے کی تصدیق کر دی ہے۔
یہ بھی پڑھیں: سینٹرل کانٹریکٹ کن کھلاڑیوں کو ملے گا، پی سی بی چیئرمین محسن نقوی نے وضاحت کردی
علاوہ ازیں پاکستان کرکٹ ٹیم آئندہ سال وائٹ بال سیریز کے لیے نیوزی لینڈ کا دورہ کرے گی جہاں 16 مارچ سے 5 اپریل 2025 کے درمیان 5 ٹی 20 اور 3 ایک روزہ انٹرنیشنلز میچز کھیلے گی۔
مزید پڑھیے: پاکستان کی بنگلا دیش کے خلاف ٹیسٹ سیریز، صاحبزادہ فرحان کپتان ہوں گے
نیوزی لینڈ کرکٹ نے پاکستان کے خلاف وائٹ بال سیریز کا شیڈول جاری کر دیا ہے جس کے مطابق سیریز کا پہلا ٹی 20 میچ 16 مارچ کو کرائسٹ چرچ، دوسرا 18 مارچ کو ڈنیڈن تیسرا 21 مارچ کو آکلینڈ، چوتھا 23 مارچ کو تاورانگا اور 5واں 26 مارچ کو ویلنگٹن میں ہوگا۔
The summer schedule is here!
Read more | https://t.co/BgMTnuvGJO #CricketNation pic.twitter.com/n9GXk9wK80
— BLACKCAPS (@BLACKCAPS) July 16, 2024
ون ڈے سیریز کے میچز نیپیئر، ہملٹن اور تاورانگا میں بالترتیب 29 مارچ، 2 اپریل اور 5 اپریل کو ہوں گے۔
