بےشمار سپر ہٹ ڈراموں میں اداکاری کرنے والی پاکستانی اداکارہ مدیحہ امام کو اپنی بولڈ تصاویر سوشل میڈیا پر شیئر کرنا مہنگا پڑ گیا۔
مدیحہ امام ان دنوں اپنے شوہر کے ہمراہ نیپال میں موجود ہیں جہاں وہ خوشگوار موسم سے لطف اٹھاتے ہوئے سیر وتفریح سے محظوظ ہو رہی ہیں۔
اس دوران انہوں نے فوٹو اینڈ ویڈیو شیئرنگ ایپ انسٹاگرام پر اپنی چند تصاویر شیئر کیں جس میں انہیں سفید رنگ کا مغربی لباس پہنے دیکھا جا سکتا ہے۔ اداکارہ کے مداحوں کو ان کا یہ لباس ایک آنکھ نہ بھایا اور انہوں نے تنقید کے نشتر چلا دیے۔
View this post on Instagram
صارفین کا کہنا تھا کہ پاکستانی اداکارائیں بیرون ملک جاتے ہی بولڈ لباس کیوں پہننا پسند کرتی ہیں تو کئی صارفین انہیں یہ یاد دلاتے نظر آئے کہ وہ مسلمان ہیں اور انہیں ایسا لباس پہننا زیب نہیں دیتا۔
واضح رہے کہ اداکارہ مدیحہ امام نے مئی 2023 میں اپنی شادی کی خبر انسٹاگرام کے ذریعے دی تھی جس میں انہوں نے یکم مئی 2023 کو ہونے والی اپنی شادی کی تصدیق کی تھی۔
