پاکستان تحریک انصاف کے بانی عمران خان کے بیٹے قاسم خان کی ایک ویڈیو سوشل میڈیا پر گردش کر رہی ہے جس میں انہیں بالکل اپنے والد کی طرح بولنگ کرواتے ہوئے دیکھا جا سکتا ہے۔
ویڈیو پر صارفین کی جانب سے مختلف تبصرے کیے جا رہے ہیں، یہ ویڈیو صحافی احتشام الحق کی جانب سے شیئر کی گئی ہے جسے جمائمہ گولڈ اسمتھ نے اپنے انسٹاگرام اکاؤنٹ کی اسٹوری پر بھی شیئر کیا ہے۔
ایک صارف نے قاسم خان کا موازنہ عمران خان کے ساتھ کرنے پر کہا کہ اللّه خیر کریں کہیں قاسم خان پاکستان کے اگلے وزیراعظم نہ بن جائیں۔
اللّه خیر کریں کہی یہ پاکستان کا وزیراعظم نا بن جائے 😔 https://t.co/yYbTHQ5U9A
— Uzair Durrani_درانی (@Uz_Durrani) July 29, 2024
ایک صارف کا کہنا تھا کہ یہ ویڈیو دیکھنے کے بعد عمران خان اپنے بیٹے پر بہت فخر محسوس کریں گے۔
If IK see this!! He will so proud of his son ❤️ https://t.co/u6m9nAIQik
— tariq mohammad (@marco6879) July 28, 2024
ایک ایکس صارف نے قاسم خان کے بولنگ ایکشن کی تعریف کرتے ہوئے لکھا کہ وہ بنگلہ دیش سیریز کے لیے شاہین شاہ آفریدی پر قاسم کو ترجیح دیں گے۔
I would prefer Kasim over Shaheen for bangladesh series !🔥 https://t.co/MtB3XzsMci
— Hesy Rock (@Hesy_R0ck) July 28, 2024
خیال رہے کہ جمائمہ نے گزشتہ روز آفیشل انسٹاگرام اکاؤنٹ پر اپنے صاحبزادے سلیمان کی ویڈیو اور قاسم کی تصویر بطور اسٹوری شیئر کی تھی۔ پوسٹ میں دونوں بھائیوں کو کرکٹ یونیفارم میں دیکھا جا سکتا ہے۔
جمائمہ کی جانب سے شیئر کی گئی ویڈیو میں سلیمان خان میچ ختم ہونے پر بلّا اٹھائے آ رہے ہیں۔ اس پوسٹ کے کیپشن پر جمائمہ نے اپنے بڑے بیٹے کو ’مین آف دی میچ‘ قرار دیا ہے۔
جبکہ دوسری پوسٹ پر جمائمہ گولڈ اسمتھ نے قاسم کی تصویر شیئر کرتے ہوئے لکھا ہے کہ ’اور یہ ہیں بہترین فاسٹ بولر۔‘
