آزاد کشمیر کے دارالحکومت مظفرآباد میں برہان وانی چوک پر مہاجرینِ جموں و کشمیر کی جانب سے یومِ استحصال کشمیر کے موقع پر احتجاجی مظاہرہ کے دوران مقررین نے 5 اگست کو مقبوضہ کشمیر کی خصوصی آئینی حیثیت ختم کرنے کے یکطرفہ بھارتی فیصلے کو مسترد کردیا۔
کشمیری رہنما محمد صدیق کی زیر قیادت مظاہرین نے بھارتی تسلط کے شکار کشمیریوں سے اظہار یکجہتی کے لیے بھارتی پرچم نذرِ آتش کیا اور بھارتی حکومت کیخلاف نعرے بازی بھی کی، انہوں نے مقبوضہ کشمیر پر بھارتی تسلط سے برسر پیکار کشمیریوں کی جدوجہد آزادی کو خرج تحسین پیش کرتے ہوئے مارچ بھی کیا۔
بعد ازاں احتجاجی مظاہرہ ریلی کی شکل میں برہان وانی چوک سے 2 میل پل تک مارچ کیا اور اقوامِ متحدہ کے مبصرین کو یادداشت پیش کی۔
