فضا علی کی جانب سے عوام کی توجہ کے حصول کی ایک نئی کوشش پر بہت سے افراد نے ناگواری کا اظہار کیا ہے۔
یہ بھی پڑھیں: فضا علی کے ساتھ کس نے بدسلوکی کی؟ انہوں نے خود بتا دیا
فضا علی ایک ماڈل، اداکارہ، گلوکارہ اور میزبان ہیں۔ وہ اب تقریباً 3 دہائیوں سے میڈیا میں کام کر رہی ہے اور آج بھی لوگوں میں اتنی ہی مقبول ہیں۔
انہوں نے اپنے کیریئر میں بہت سے اچھے پروجیکٹس کیے ہیں۔ وہ انتہائی صاف گو ہیں اور جو کچھ ان کے دماغ میں ہوتا ہے اس کا برملا اظہار کردینے کے حوالے سے بھی مشہور ہیں۔
فضا علی آج کل ایک مارننگ شو کی میزبانی کر رہی ہیں۔ ان کے شو میں کئی ایسے واقعات رونما ہوجاتے ہیں جو کسی نہ کسی وجہ سے وائرل ہو جاتے ہیں۔
اس نے اپنے شو میں ویٹ لفٹر بہنوں کو مدعو کیا۔ ایتھلیٹس بہنیں کھیل کے میدان میں اپنا نام بنا رہی ہیں۔
مزید پڑھیے: معروف فنکارہ فضا علی نے ڈرامے کو خیر باد کیوں کہا؟
یاد رہے کہ وسط جولائی میں جنوبی افریقہ میں ہونے والی ایشیا پسیفک کمبائنڈ پاور لفٹنگ چیمپیئن شپ میں سہیل سسٹرز (سحر سہیل اور ویرونیکا سہیل) نے گولڈ میڈل حاصل کیا تھا۔ ان کی تیسری بہن ٹوئنکل سہیل بھی ایتھلیٹ ہیں۔
مذکورہ شو کے دوران دیکھا گیا کہ فضا علی کو لائیو شو میں خاتون ایتھلیٹ نے اپنے کاندھوں پر اٹھالیا۔
شو کا یہ منظرخوب وائرل ہو رہا ہے لیکن کئی سوشل میڈیا صارفین اس حرکت پر فضا علی پر تنقید کر رہے ہیں۔
ان کا کہنا ہے کہ یہ سستی شہرت حاصل کرنے کا ایک غیرمناسب طریقہ تھا۔
