پاکستان تحریک انصاف (پی ٹی آئی) کے ترجمان رؤف حسن کو انسدادِ دہشتگردی عدالت کی جانب سے ضمانت منظور ہونے کے بعد اڈیالہ جیل سے رہا کردیا گیا۔
رؤف حسن کی اڈیالہ جیل سے رہائی کے بعد ایڈووکیٹ شائستہ کھوسہ اور راجا یاسر ان کو لے کر روانہ ہوگئے۔
یہ بھی پڑھیں 7 روزہ جسمانی ریمانڈ کی درخواست مسترد، رؤف حسن کو جوڈیشل ریمانڈ پر جیل بھیج دیا گیا
اس سے قبل انسداد دہشتگردی اسلام آباد کی عدالت سے رؤف حسن کی رہائی کی روبکار جاری کی گئی تھی۔
واضح رہے کہ اسلام آباد کی انسداد دہشتگردی عدالت نے 3 اگست کو بارودی مواد برآمدگی کے مقدمے میں رؤف حسن کو جوڈیشل ریمانڈ پر جیل بھیج دیا تھا۔
پیکا ایکٹ عدالت نے پی ٹی آئی رہنما رؤف حسن کو رہا کرنے کا حکم دے دیا
یہ بھی یاد رہے کہ اس سے قبل پیکا ایکٹ کے تحت درج مقدمے میں رؤف حسن کی ضمانت 2 اگست کو منظور ہوئی تھی۔
