پاکستان تحریک انصاف کے سیکریٹری جنرل عمرایوب نے کہا ہے کہ الیکشن ایکٹ ترمیمی بل پی ٹی آئی کا راستہ روکنے کی بھونڈی کوشش ہے۔
لاہور میں عدالت کے باہر میڈیا سے گفتگو کرتے ہوئے عمرایوب نے کہا کہ الیکشن ایکٹ ترمیمی بل غلط اور غیرمنصفانہ ہے، یہ پی ٹی آئی کا راستہ روکنے کی بھونڈی کوشش ہے، ہم اس کوشش کو کامیاب نہیں ہونے دیں گے۔
یہ بھی پڑھیں : عمران خان کا پیغام ہے، قوم نئے انتخابات کی تیاری کرے، عمرایوب
عمر ایوب نے کہا کہ اس ایکٹ کو ہر جگہ چیلنج کریں گے، یہ قانون اور آئین کے بالکل منافی ہے۔
انہوں نے کہا کہ صوابی میں پی ٹی آئی کا جلسہ سب نے دیکھا ، ہمارے کسی کے ساتھ کوئی مذاکرات نہیں ہو رہے، ملک میں تازہ الیکشن ہمارا واحد مطالبہ ہے، ہمارا چرایا ہوا مینڈیٹ واپس کیا جائے، پاکستان نئے الیکشن کی طاقت رکھتا ہے۔
یہ بھی پڑھیں: ملک کو آئی پی پیز کے چنگل میں ن لیگ نے پھنسایا، عمر ایوب
ان کا کہنا تھا کہ وہ فنانس کے ایک طالب علم ہونے کی حیثیت سے بتا سکتے ہیں کہ یہ بجٹ عوام دشمن ہے، اس سے مہنگائی مزید بڑھے گی، شہباز شریف ،مریم نوازیہ سب لوگ کدھر بھاگیں گے، حسینہ واجد تو بھارت چلی گئی تھیں لیکن ادھر سے ہیلی کاپٹر نہیں جائے گا۔
