وزیراعلیٰ مریم نوازشریف نے پنجاب ریونیو اتھارٹی کو عام آدمی کو متاثر کیے بغیر مالی وسائل بڑھانے اور ریونیو ہدف میں 50 ارب روپے کا اضافہ تجویز کیا ہے۔
یہ بھی پڑھیں: وزیر معدنیات پنجاب شیر علی گورچانی کی ٹھیکیدار سے ڈیل کی ویڈیو وائرل، وزیراعلیٰ مریم نواز نے انکوائری کمیٹی بنادی
ہفتے کو ایک خصوصی اجلاس کی صدارت کرتے ہوئے مریم نواز نے مزید 12 اضلاع میں پنجاب ریونیو اتھارٹی کا دائرہ کار وسیع کرنے کا فیصلہ کرتے ہوئے کہا کہ اتھارٹی کو ریئل ٹائم انٹیگریشن آف ڈیٹا بیس کے لیے ایف بی آر سے منسلک کیاجائے گا۔
مری، اٹک، جہلم،قصور، شیخوپورہ، جہلم، منڈی بہاؤالدین، بہاولپور،اوکاڑہ، خانیوال، مظفرگڑھ، ڈی جی خان اور ٹوبہ ٹیک سنگھ میں ریونیو اتھارٹی کے دفاترن قائم کیے جائیں گے۔
مزید پڑھیے: مریم نواز میڈیا سے کیوں دور ہیں؟
اس موقعے پر یہ بھی فیصلہ کیا گیا کہ بہاولپور، اوکاڑہ، خانیوال، مظفرگڑھ، ڈی جی خان، ٹوبہ ٹیک سنگھ میں بھی پی آر اے کو فنکشنل کیا جائے گا-
اجلاس اتھارٹی سے متعلق امور کا جائزہ لیا گیا اور اس موقعے پر نئے چیئرمین نعمان یوسف نے بریفنگ بھی دی۔ چیف سیکریٹری زاہد زمان اختر، سیکریٹری فناس مجاہد شیر دل اوردیگر افسران بھی اجلاس میں موجود تھے۔
