حکومت سندھ نے چیئرمین پاکستان پیپلز پارٹی بلاول بھٹو زرداری کے خلاف نازیبا زبان استعمال کرنے پر عوامی مسلم لیگ کے سربراہ شیخ رشید کے خلاف سپریم کورٹ سے رجوع کرلیا۔
سندھ حکومت نے اس معاملے پر سپریم کورٹ سے رجوع اسلام آباد ہائیکورٹ کے فیصلے کے بعد کیا ہے۔ اسلام آباد ہائیکورٹ نے شیخ رشید کے خلاف ایف آئی آر ختم کرنے کا حکم دیا تھا۔
CamScanner 08-13-2024 08.09My Docs by Asadullah on Scribd
حکومت سندھ کی جانب سے اسلام آباد ہائیکورٹ کے فیصلے کے خلاف دائر کی گئی درخواست میں استدعا کی گئی ہے کہ اسلام آباد ہائیکورٹ کا 25 جون کا فیصلہ کالعدم قرار دیا جائے۔
یہ بھی پڑھیں: بلاول نے بھارت جا کر پاکستان کی ناک کٹوا دی، شیخ رشید
درخواست میں مؤقف اختیار کیا گیا کہ اسلام آباد ہائیکورٹ نے شیخ رشید کے خلاف ایف آئی آر ختم کرنے کا حکم دیا، شیخ رشید نے بلاول بھٹو زرداری کی ساکھ کو نقصان پہنچایا۔
سندھ حکومت کی درخواست میں مزید کہا گیا ہے کہ اسلام آباد ہائیکورٹ نے حقائق کو نظرانداز کرتے ہوئے غیرقانونی فیصلہ دیا، ہائیکورٹ کو معاملے کی انکوائری کا حکم دینا چاہیے تھا۔
یہ بھی پڑھیں: آصف زرداری شہباز شریف پر آرٹیکل 6 لگوانا چاہتا ہے، شیخ رشید
درخواست میں کہا گیا ہے کہ شیخ رشید نے دوران حراست سرکاری اسپتال میں بلاول بھٹو کے خلاف نازیبا گفتگو کی، بلاول بھٹو زرداری پیپلزپارٹی کے چیئرمین اور سابق وزیر خارجہ ہیں۔
حکومت سندھ نے شیخ رشید کے خلاف درخواست میں آئی جی اسلام آباد سمیت دیگر کو فریق بنایا ہے۔
