بھارت کے ویٹرن اداکار شتروگھن سنہا نے اپنی بیٹی سوناکشی کی زندگی کے فیصلوں کی حمایت کرتے ہوئے ان کی ظہیر سے شادی دل سے قبول کرلی۔
یہ بھی پڑھیں: سوناکشی کے ساتھ بھاگ کر شادی کرنا چاہتا تھا مگر۔۔۔، ظہیر اقبال نے اہم راز سے پردہ اٹھا دیا
شتروگھن سنہا کی بیٹی اداکارہ سوناکشی سنہا اور ظہیر اقبال کی شادی جون میں ہوئی تھی۔ اس جوڑے نے شادی کی ایک چھوٹی سی تقریب منعقد کی تھی۔
اگرچہ ابتدائی طور پر یہ اطلاع دی گئی تھی کہ شتروگھن شادی کے خلاف ہیں لیکن شتروگھن سنہا جو اب سیاست دان ہیں نے ان الزامات کی تردید کرتے ہوئے کہا ہے کہ وہ اس شادی پر بیحد خوش ہیں۔
اپنے ایک حالیہ انٹرویو میں شتروگھن نے کہا کہ اگر وہ نہیں تو پھر ان کی بیٹی اور اس کی زندگی کے فیصلوں کی حمایت کون کرے گا؟
مزید پڑھیے: ظہیر خان کی سب سے بُری عادت کیا ہے؟ شادی کے ایک ماہ بعد سوناکشی سنہا نے بتادیا
انہوں نے کہا کہ یہ شادی کا معاملہ ہے اور دوسری بات یہ کہ اگر یہ شادی ہوئی ہے تو یہ کوئی غیر قانونی اور غیر آئینی نہیں ہے۔ انہوں نے کہا کہ وہ اپنی بیٹی کے ساتھ کھڑے ہیں۔
شتروگھن سنہا نے کہا کہ میری بیوی پونم سنہا اور میں اس کی شادی کا جشن منانے کے لیے اکٹھے ہوئے کیوں کہ یہ ان کی بچی کی خوشی کا معاملہ تھا۔
ان کے خیال میں سوناکشی اور ظہیر آسمان پر بنایا گیا ایک جوڑا ہیں۔ انہوں نے کہا کہ والدین ہمیشہ اپنے بچوں کی خوشی کے لیے کھڑے رہیں گے اور مجھے لگتا ہے کہ ہمارے بچے خوش ہیں لہٰذا ہم بھی ان کی خوشی میں خوش ہیں۔
مزید پڑھیں: جب ظہیر اقبال نے شتروگھن سنہا سے ان کی بیٹی کا ہاتھ مانگا تو باپ کا پہلا ردعمل کیا تھا؟
سوناکشی اور ظہیر نے 23 جون 2024 کو شادی کرنے سے پہلے 7 سال تک ڈیٹنگ کی تھی۔ سوناکشی نے شادی کی تصاویر شیئر کرتے ہوئے کہا تھا کہ آج ہی کے دن یعنی 23 جون 2017 کو ہم نے ایک دوسرے کی آنکھوں میں محبت کو اس کی خالص ترین شکل میں دیکھا تھا۔
انہوں نے مزید کہا تھا کہ اب ہم دونوں اپنے خاندانوں اور اپنے ’خداؤں‘ کی آشیرباد سے میاں بیوی ہیں۔
