پاک فوج کے تعاون سے پنجاب کے 6 نوجوانوں نے برزل پاس پر سب سے اونچا پرچم لہرا کر ریکارڈ قائم کردیا۔
پاکستانی نوجوانوں کی جانب سے 13 ہزار 808 فٹ اونچے برزل پاس پر سب سے بڑا پرچم لہرا کر ریکارڈ قائم کیا گیا۔
یہ بھی پڑھیں ملک بھر میں 78واں یوم آزادی روایتی جوش و جذبے سے منایا جارہا ہے
200 فٹ لمبا یہ پرچم پاکستان کے آخری گاؤں نگئی میں آزادی ریلی میں بھی شامل کیا گیا۔
نگئی گاؤں اور ایل او سی کے قریب پرائمری اسکول میں جشن آزادی کی تقریب منعقد کی گئی، گاؤں کے لوگوں اور پاک فوج کے جوانوں نے والی بال اور رسہ کشی کا مقابلہ بھی کیا۔
آخر میں سب سے بڑا قومی پرچم مشہور سیاحتی مقام رینبو لیک پر لہرایا گیا، پرچم لہرانے والے ان جوانوں نے اپنا یہ ریکارڈ آزادی کے ہیروز اور پاک فوج کے شہدا اور غازیوں کے نام کیا ہے۔
یہ بھی پڑھیں 78واں یوم آزادی اور گوگل کا منفرد ڈوڈل، سب کی توجہ کا مرکز کیوں؟
واضح رہے کہ پاکستان کا 78واں یوم آزادی ملک بھر میں جوش و خروش کے ساتھ منایا جارہا ہے، اور قوم اپنے ہیروز کو خراج عقیدت پیش کررہی ہے۔
