کیمیکل اور فارما مصنوعات کی برآمدات میں جاری مالی سال کے پہلے 8 ماہ میں سالانہ بنیادوں پر 1.1 فیصد کمی ریکارڈ کی گئی ہے۔
پاکستان بیورو برائے شماریات کے جاری کردہ اعداوشمار کے مطابق جولائی سے فروری تک کی مدت میں کیمیکل اور فارما مصنوعات کی برآمدات سے ملک کو 951 ملین ڈالر کا زر مبادلہ حاصل ہوا جو گزشتہ مالی سال کی اسی مدت کے مقابلے میں 1.1 فیصد کم ہے۔
گزشتہ مالی سال کی اسی مدت میں کیمیکل اور فارما مصنوعات کی برآمدات سے ملک کو 961 ملین ڈالرکا زر مبادلہ حاصل ہوا تھا۔ فروری میں کیمیکل اور فارما مصنوعات کی برآمدات کا حجم 103 ملین ڈالر ریکارڈ کیا گیا جو گزشتہ سال فروری کے مقابلے میں 39.5فیصد کم ہے۔گزشتہ سال فروری میں کیمیکل اور فارما مصنوعات کی برآمدات کا حجم 171 ملین ڈالر ریکارڈ کیا گیا تھا۔
جنوری کے مقابلے میں فروری میں کیمیکل اور فارما مصنوعات کی برآمدات میں ماہانہ بنیادوں پر 27.8 فیصد کی کمی ریکارڈ کی گئی ہے۔ جنوری میں کیمیکل اور فارما مصنوعات کی برآمدات کا حجم 143 ملین ڈالر ریکارڈ کیا گیا جو فروری میں کم ہوکر103ملین ڈالر ہوگیا۔
