پیرس اولمپکس میں گولڈ میڈلسٹ ارشد ندیم کی ایک ویڈیو سوشل میڈیا پر وائرل ہو رہی ہے جس میں انہیں ایک خاتون کے ساتھ ٹِک ٹاک ویڈیو بناتے دیکھا جا سکتا ہے۔ کئی صارفین خاتون کو ارشد ندیم کی بیوی قرار دے رہے ہیں تو چند صارفین کا کہنا ہے کہ یہ ان کی شریک حیات نہیں بلکہ ٹک ٹاکر ہیں۔
ارشد ندیم کی ویڈیو وائرل ہوتے ہی انہیں صارفین کی جانب سے خوب تنقید کا سامنا کرنا پڑ رہا ہے۔ ایک صارف نے ویڈیو شیئر کرتے ہوئے لکھا کہ پہچانیں یہ کون ہیں۔
پہچانے؟؟ pic.twitter.com/NviG767oKL
— Faizan Durrani (@faizanaskss) August 19, 2024
شمع جونیجو لکھتی ہیں کہ ایسی ویڈیو سامنے آنے پر ارشد ندیم کی بیوی کو انہیں ایک تھپڑ لگانا چاہیے تھا۔
ارشد ندیم کی بیوی کو ایک چنڈ لگانی چاہئیے تھی!
pic.twitter.com/ECf0fjPhMF— Dr Shama Junejo (@ShamaJunejo) August 20, 2024
ارشد ندیم کی وائرل ویڈیو پر تبصرہ کرتے ہوئے اسد حسین لکھتے ہیں کہ اب ارشد ندیم کا کیریئر بھی ختم ہو جائے گا۔
اس کا کیرئیر بھی ختم شد۔ https://t.co/ZCcbgbybSA
— Asad Hussain (@Asadhussain_01) August 20, 2024
ایک صارف نے ارشد ندیم کو آڑے ہاتھوں لیتے ہوئے کہا کہ پیسہ آتے ہی آہستہ آہستہ خاندان کے وہ لوگ سائیڈ لائن کر دیے جاتے ہیں جنہوں نے غربت کے دور میں ساتھ دیا ہوتا ہے۔
پیسہ آتے ہی آہستہ آہستہ فیملی کے وہ لوگ سائیڈ لائن کر دئیے جاتے ہیں جنھوں غربت کے دور میں ساتھ دیا ہوتا ہے ۔
— Uniters PK (@UnitersPK) August 20, 2024
واضح رہے کہ پیرس اولمپکس میں ارشد ندیم نے جیولین تھرو کے مقابلے میں 92.97 کی طویل تھرو کرکے اولمپک گیمز کی تاریخ میں ریکارڈ قائم کرتے ہوئے گولڈ میڈل اپنے نام کیا جب کہ نیرج چوپڑا نے سلور میڈل اپنے نام کیا ہے۔
