پاکستانی اداکارہ ہانیہ عامر اپنی خوبصورتی اور اداکاری کے ٹیلنٹ کے باعث بیحد مقبول ہیں اور مداح انہیں سوشل میڈیا پر باقائدگی سے فالو کرتے ہیں۔
انہوں نے ایک بار پھر انسٹاگرام پر اپنی نئی پوسٹ کے ذریعے سوشل میڈیا پر دھوم مچاتے ہوئے مداحوں کے دل جیت لیے ہیں۔
یہ بھی پڑھیں: ہانیہ عامر دبئی میں بھارتی گلوکار کے ساتھ کیا کررہی ہیں؟
ہانیہ عامر نے پوسٹ میں اپنے پسندیدہ پنجابی گانوں کے حوالے سے بات کرتے ہوئے بھارت کے معروف گلوکار و اداکار دلجیت کے نئے گانے ’موم بتیے‘ کے لیے اپنی پسندیدگی کا اظہار کیا۔
ان کی جانب سے شیئر کی گئی ویڈیو میں دیکھا جاسکتا ہے کہ وہ میک اپ روم میں سجتے سنورتے وقت ’موم بتیے‘ سے محظوظ ہورہی ہیں۔
ویڈیو میں یہ بھی دیکھا جاسکتا ہے کہ وہ اس نغمے کے بول کے مطابق اپنے ہونٹ بھی ہلا رہی ہیں اور ساتھ ہی دھن پر جھوم بھی رہی ہیں۔
ہانیہ کی یہ ویڈیوخوب وائرل ہو رہی ہے۔ مذکورہ نغمے پر ان کی عمدہ ’لپ سنگنگ‘ اور بے ساختہ پن دل لبھانے والا ہے اور اس نے مداحوں کو بیحد متاثر کیا ہے۔
مزید پڑھیے: کیا سوشل میڈیا ٹرولنگ ہانیہ عامر کو بھی متاثر کرتی ہے؟
ہانیہ کی پنجابی موسیقی سے محبت بھی کوئی ڈھکی چھپی نہیں ہے جس کا اظہار انہوں نے اپنی تازہ ویڈیو میں بھی کیا۔ دلجیت کا گانا ’موم بتیے‘ اپنے دلکش دھن اور پراثر بولوں کی وجہ سے تیزی سے مقبولیت حاصل کر رہا ہے۔
