شدید بارشوں کے پیشِ نظر پنجاب میں اربن فلڈنگ کا خدشہ ہے، وزیر اعلیٰ مریم نواز نے متعلقہ محکموں کو ہائی الرٹ جاری کردیا ہے، وزیر اعلیٰ نے کوہ سلیمان کے علاقے رود کوہی اور فلڈ کے خطرہ کی پیش نظر ڈیرہ غازی خان انتطامیہ کو بھی الرٹ رہنے کا حکم دیا ہے۔
مزید پڑھیں: 2 سے 4 ستمبر کے دوران بارش کا امکان، اربن فلڈنگ کا خدشہ
وزیر اعلیٰ مریم نواز شریف نے بارش کے پانی کی جلد ازجلد نکاسی یقینی بنانے کی ہدایت کرتے ہوئے، گلی محلوں سے بھی بارش کے پانی کی نکاسی کے انتظامات کا حکم دیا۔ مریم نواز شریف نے ہدایت کرتے ہوئے کہا کہ لاہور سمیت دیگر شہروں کے نشیبی علاقوں سے بارش کے پانی کی جلد نکاسی کے انتظامات کیے جائیں۔
انہوں نے کہا کہ سڑکوں اور گلیوں میں بارش کا پانی ذیادہ دیر نظر نہیں آنا چاہیے، تمام وسائل بروئے کار لائے جائیں۔ ضلعی انتظامیہ، پی ڈی ایم اے، ریسکیو 1122 اور دیگر ادارے ہنگامی صورتحال کے لیے تیار رہیں۔ بارش کے دوران ٹریفک کی روانی برقرار رکھنے کے لیے وارڈن موجود رہیں۔
یہ بھی پڑھیں: گوادر: طوفان ’اسنیٰ‘ کے اثرات نمودار ہونا شروع، سمندری لہروں میں تندوتیزی
واضح رہے محکمہ موسمیات کے مطابق مون سون کی بارشوں کا نیا سلسلہ شروع ہوچکا ہے، شدید بارشوں اور سیلاب کے پیش نظر پنجاب حکومت نے تمام اداروں کو ہائی الرٹ رہنے کی ہدایت کی ہے۔ تاہم، سیلابی صوتحال سے نمٹنے کے لیے پیشی اقدامات کرنے پر بھی زور دیا ہے۔
