وزیراعلیٰ پنجاب مریم نواز نے آج اسکول نیوٹریشن پروگرام کا باضابطہ افتتاح کردیا ہے، اسکول نیوٹریشن پروگرام کی تقریب سے خطاب کرتے ہوئے کہا ہے کہ خواہش ہے پنجاب کےتمام اسکولوں میں بچوں کومکمل کھانا فراہم کریں اور ان کو وہ تمام سہولیات دی جائیں جوپرائیویٹ اسکولوں میں بچوں کو حاصل ہیں۔
وزیراعلیٰ پنجاب کے نیوٹریشن پروگرام شروع کرنے کے اقدام کو تحریک انصاف کے سابق صوبائی وزیر فواد چوہدری نے سراہا، انہوں نے سماجی رابطوں کی سائٹ ایکس پر اپنے پیغام میں کہا کہ اسکول نیوٹریشن پروگرام شروع کرنے پر پنجاب حکومت کی تعریف کرنی چاہیے۔
یہ بھی پڑھیں: وزیراعلیٰ مریم نواز نے نیوٹریشن پروگرام کا افتتاح کردیا، کن بچوں کو مفت دودھ ملے گا؟
فواد چوہدری کا کہنا تھا کہ وہ عثمان بزدار کو ہمیشہ اسکولوں میں کھانا فراہم کرنے کا مشورہ دیتے تھے کیونکہ حکومت کے اس ایک اقدام سے اسکولوں میں داخلے کے نمبر بدل سکتے ہیں اور دوسری طرف غذائی قلت کا مسئلہ بھی حل ہو سکتا ہے۔
سابق صوبائی وزیر نے مزید کہا کہ مسئلہ یہ ہے کہ آپ کرپشن کو کیسے روکیں گے اور اس بات کو کیسے یقینی بنایا جائے کہ دودھ طلباء تک پہنچے اسے کوئی اور استعمال نہ کرے ۔
فواد چوہدری کی ٹوئٹ پر صارفین کی جانب سے مختلف ردعمل دیا گیا۔ ایک صارف نے لکھا کہ آپ ن لیگ کے حق میں پوسٹ کر رہے ہیں اور دوسری طرف کہہ رہے ہیں آپ تحریک انصاف کے کارکن ہیں یہ سب ڈرامہ ہے۔ صارف نے فواد چوہدری کو آڑے ہاتھوں لیتے ہوئے کہا کہ براہ کرم وکٹ کے دونوں طرف مت کھیلیں۔
Posting such comments and still saying I am in PTI knowing fully well that it is all drama and fake. She who can withdraw health card from the people of Punjab need not to be appreciated specially when her Govt. isn’t legitimate. Please don’t play on both sides of the wicket.
— USMANI (@Usmanis22) September 5, 2024
ایک صارف نے فواد چوہدری کی حمایت کرتے ہوئے کہا کہ اگر کوئی ملک کے لیے اچھا کر رہا ہے تو اس کی تعریف کرنے میں کوئی حرج نہیں ہے۔
I’m probably one of your big critic but you do have much better understanding of things than majority of PTI leaders. Something like this will not be appreciated by any other PTI leader, if someone is doing good for the country no harm appreciating them @MaryamNSharif
— RealWorld (@M79037645Awan) September 5, 2024
عرفان نامی صارف لکھتے ہیں کہ مریم نواز چوری کے مینڈیٹ پر وزیراعلیٰ بنی ہیں یہ بھی لکھیں۔
لیکن چودھری صاحب مریم تو چوری کے مینڈیٹ پر وزیرِ اعلیٰ بنی ہے یہ تو لکھو
— Shah (@AnweeIrfan) September 5, 2024
