عائشہ عمر ایک خوبصورت، باصلاحیت اور مقبول پاکستانی اداکار ہیں جو اپنی خوبصورتی اور بے مثال اعتماد کی وجہ سے پسند کی جاتی ہیں۔
یہ بھی پڑھیں: پاکستانی اداکارہ عائشہ عمر کراچی میں کیوں تناؤ اور بے چینی محسوس کرتی ہیں؟
وہ اب تک قابل ذکر ہٹ ڈراموں میں نظر آ چکی ہیں جن میں حبس، زندگی گلزار ہے اور سب سے زیادہ مقبول سیٹ کام بلبلے شامل ہیں۔
کراچی سے لاہور عائشہ عمر کی ہٹ فیچر فلم تھی۔ وہ ٹکسالی گیٹ، رہبرا اور دیگر فلموں میں بھی نظر آئیں۔
حال ہی میں عائشہ عمر کی ہنسلی کی ہڈی کا آپریشن ہوا ہے جس کے بعد وہ اب رو بہ صحت ہیں۔
عائشہ عمر اپنی ایک ہمشکل کی وائرل انسٹاگرام ریل دیکھ کر حیران رہ گئیں اور پہلے تو انہیں لگا کہ یہ ان ہی کی کوئی ویڈیو ہے جسے وہ اب بھول چکی ہیں۔ ویڈیو میں ان کی ہمشکل ایک گانے پر رقص کناں تھی۔
مزید پڑھیں: عائشہ عمر نے اپنی نئی فلم ٹکسالی کی پہلی تصویر شیئر کر دی
انہوں نے مداحوں سے یہ بھی پوچھا کہ کیا لڑکی اصلی ہے یا آرٹیفیشل انٹیلیجنس یعنی مصنوعی ذہانت کا کمال ہے۔
View this post on Instagram
عائشہ عمر نے لکھا کہ ’واہ کسی نے مجھے اس ریل پر ٹیگ کیا اور ایک منٹ کے لیے مجھے لگا کہ یہ میں ہوں، یہ واقعی میری ہمشکل ہے یا مصنوعی ذہانت کی کارستانی ہے‘۔
واضح رہے یہ مذکورہ ویڈیو میں بھارت کی ایک خاتون ساکشی اگروال ہیں جو سوشل میڈیا پر کافی ایکٹیو ہیں اور اپنے فالوورز میں ایک خاص مقام رکھتی ہیں۔ ساکشی کے 20 لاکھ سے زیادہ انسٹاگرام فالوورز ہیں۔
