پاکستانی اداکارہ عائشہ عمر نے اپنی نئی فلم ٹکسالی کی پہلی تصویرانسٹا گرام اکاؤنٹ پر شیئر کی ہے۔
اداکارہ اور گلوکارہ عائشہ عمر نے ابو علیحہ کی ہدایت کاری میں بنائی جانے والی فلم ٹکسالی میں نبھائے جانے والے اپنے کردار کی پہلی تصویر سماجی رابطے کی ویب سائٹ انسٹا گرام پر شیئر کی۔
تصویر کے کیپشن میں لکھا تھا میں اپنی فلم ٹکسالی کی پہلی جھلک ظاہر کر رہی ہوں۔
View this post on Instagram
فلم ٹکسالی میں عاشہ عمر کے علاوہ یاسر حسین، نیئر اعجاز، عفت عمر، عمر عالم، افتخار ٹھاکر، شہریار چیمہ ، بابر علی اورمہر بانو شامل ہیں۔
دوسری جانب فلم کے پروڈیوسروقاص رضوی نے بھی اپنے انسٹا گرام اکاؤنٹ پر فلم کی دیگر کاسٹ کے ساتھ سیلفی شیئرکی۔
View this post on Instagram
پاکستانی فلم ٹکسالی ایک کرائم تھرلر فلم ہےجس میں پرانے لاہور کی روایات کو دکھایا گیا ہے۔اس فلم کے مصنف ابو علیحہ ہیں۔ تاہم ابھی تک فلم کے ریلیز ہونے کی تاریخ کا اعلان نہیں کیا گیا۔
سسپنس سے بھرپور کرائم تھرلر فلم ٹکسالی کا نام لاہور کے معروف دروازہ ٹکسالی گیٹ پر رکھا گیا ہے۔ ٹکسالی گیٹ لاہور کے معروف 12دروازوں میں سے ایک ہے۔
کہا جاتا ہے کہ ٹکسالی گیٹ کا نام یہاں پر موجود سکے بنانےکے لیے قائم کی گئی ٹکسال کی وجہ سے رکھا گیا تھا۔
