پی ٹی آئی کی سینیٹر و سینیئر وکیل علی ظفر کا کہنا ہے کہ آئینی ترمیم رات کے اندھیرے میں کی جارہی ہے، عوام اور اپوزیشن کو اعتماد میں نہ لیا جائے تو یہ جمہوریت پر قبضہ ہے۔
یہ بھی پڑھیں: پی ٹی آئی انٹراپارٹی انتخابات کیس، عمران خان نے بیرسٹر علی ظفر کو پیروی سے روک دیا
سینیٹر علی ظفر کے مطابق کوشش یہ ہورہی ہے کسی طرح جوڈیشری کو ختم کیا جائے، ہم یہ جنگ یہاں بھی لڑیں گے اور باہر بھی لڑیں گے۔
پی ٹی آئی کے سینیٹر کا کہنا ہے کہ ہم جوڈیشری کو ختم نہیں ہونے دیں گے، یہ سیاست میں ملاوٹ کو فروغ دے رہے ہیں، ہم یہ نہیں ہونے دیں گے۔
یہ بھی پڑھیں: آئینی ترمیم کا معاملہ: حکومتی اراکین اسمبلی کے اسلام آباد سے باہر جانے پر پابندی
انہوں نے کہا ہے کہ 184 تھری میں یہ آئینی عدالت بنارہے ہیں، ہمارا آئین عدالتوں کو جو آزادی دے رہا ہے یہ اس پر حملہ ہے۔
