پاکستانی شوبز انڈسٹری کی سینیئر اداکارہ جویریہ عباسی کے دوسرے نکاح کی تصاویر منظرِعام پر آگئیں۔
انہوں نے آفیشل انسٹاگرام ہینڈل پر اپنے نکاح کی چند تصاویر پوسٹ کیں جن میں دیکھا جاسکتا ہے کہ اداکارہ کو گلابی اور گولڈن رنگ کا خوبصورت لباس زیب تن کیے دیکھا جا سکتا ہے۔ اداکارہ نے اپنے شوہر کی تصاویر انسٹاگرام پر پوسٹ نہیں کیں۔
یہ بھی پڑھیں: جویریہ عباسی کی دوسرے شوہر کے ساتھ سیلفی، یہ کیسی نقاب کشائی ہے؟
شیئر کی گئی تصاویر میں جویریہ عباسی بےحد خوش اور حسین نظر آ رہی ہیں، کہیں وہ گھونگھٹ اوڑھے بیٹھی ہیں تو کہیں نکاح نامے پر دستخط کرتی نظر آ رہی ہیں۔ شوبز شخصیات اور مداحوں کی جانب سے بھی جویریہ عباسی کو دوسری شادی کی مبارکباد دی جارہی ہے۔
View this post on Instagram
واضح رہے کہ جویریہ عباسی نے رواں سال مئی میں سوشل میڈیا پر اپنی منگنی کا اعلان کیا تھا، اس اعلان کے بعد کچھ دن بعد ہی اداکارہ نے ایک ٹی وی شو کے دوران اپنی دوسری شادی کی تصدیق بھی کردی تھی۔ اداکارہ نے عدیل حیدر نامی کاروباری شخص سے شادی کی ہے جو فوٹوگرافر بھی ہیں۔
خیال رہے کہ جویریہ عباسی کی پہلی شادی سال 1997 میں اداکار شمعون عباسی سے ہوئی تھی، ایک سال بعد اُن کے ہاں بیٹی عنزیلہ عباسی کی پیدائش ہوئی تھی۔ اور 2009 میں طلاق ہوگئی تھی
والدین کی طلاق کے بعد سے عنزیلہ عباسی اپنی والدہ کے پاس ہی رہیں۔ سال 2023 میں جویریہ عباسی نے اپنی بیٹی کی شادی کردی تھی۔
