الیکشن کمیشن آف پاکستان نے مخصوص نشستوں کے حوالے سے سپریم کورٹ کے شارٹ آرڈر سے متعلق قانونی ماہرین سے مشاورت کا فیصلہ کرلیا۔
یہ بھی پڑھیں: مخصوص نشستوں سے متعلق وضاحتی فیصلہ، سپریم کورٹ کی الیکشن کمیشن کو سنگین وارننگ
چیف الیکشن کمشنر سکندر سلطان راجہ کی زیر صدارت اجلاس میں مخصوص نشستوں پر الیکشن کمیشن کی جانب سے مانگی گئی وضاحت پر سپریم کورٹ کے 14 ستمبر کے آرڈر پر غور کیا گیا۔
اجلاس میں ممبران، سیکریٹری الیکشن کمیشن، اسپیشل سیکریٹری الیکشن کمیشن لا اور لیگل ٹیم نے شرکت کی۔
مزید پڑھیے: الیکشن کمیشن نے پی ٹی آئی کے بعد جے یو آئی کا انٹرا پارٹی انتخابات کیس بھی سماعت کے لیے مقرر کرلیا
اجلاس میں مخصوص نشستوں سے متعلق پارلیمنٹ میں کی گئی قانون سازی پر بھی غور کیا گیا۔ اس دوران قانونی نکات اور مضمرات کا بھی جائزہ لیا گیا۔ الیکشن کمیشن کا اجلاس جمعرات کو دوبارہ ہوگا۔
