اسپیکر قومی اسمبلی سردار ایاز صادق نے چیف الیکشن کمشنر کو خط لکھ کر مطالبہ کیا ہے کہ پارلیمنٹ کی خود مختاری قائم رکھنے کے لیے مخصوص نشستوں کا معاملہ حل کیا جائے۔
خط میں کہا گیا ہے کہ آزاد اراکین اسمبلی جو ایک سیاسی جماعت کا حصہ بن گئے انہیں پارٹی تبدیل کرنے کی اجازت نہیں۔
یہ بھی پڑھیں پارلیمنٹ بالادست ادارہ، اسپیکر کا الیکشن کمیشن کو خط سنگ میل ہے، وزیر اطلاعات
اسپیکر نے خط میں کہا ہے کہ سپریم کورٹ نے ہدایت کی کہ وہ آزاد ارکان کو کسی بھی جماعت میں شمولیت کا اختیار دیں۔
From Hon. Speaker to CEC by akkashir on Scribd
خط کے متن میں کہا گیا ہے کہ سپریم کورٹ کے فیصلے کے بعد پارلیمنٹ نے الیکشن ترمیمی ایکٹ 7 اگست کو منظور کیا، پارلیمنٹ کا منظور کردہ ایکٹ صدر کے دستخط کے بعد نافذ العمل ہوچکا ہے۔
اسپیکر نے کہا ہے کہ ایکٹ کے تحت جس امیدوار نے کاغذات نامزدگی کے ساتھ پارٹی سرٹیفکیٹ نہیں دیا وہ آزاد تصور ہوگا۔
اسپیکر نے خط میں کہا ہے کہ سپریم کورٹ کا فیصلہ ماضی کے ایکٹ کے تحت تھا جو اب قابل اطلاق نہیں، اب ترمیم شدہ الیکشن ایکٹ موجود رہے گا۔
واضح رہے کہ پی ٹی آئی رہنماؤں نے انتخابی نشان چھن جانے کے باعث آزاد حیثیت سے عام انتخابات میں حصہ لیا تھا، جس کی بنیاد پر الیکشن کمیشن نے انہیں مخصوص نشستیں نہ دینے کا فیصلہ کرتے ہوئے وہ نشستیں دوسری سیاسی جماعتوں میں تقسیم کردی تھیں۔
یہ بھی پڑھیں وسیع تر سیاسی مشاورت کی وجہ سے آئینی ترمیم کے لیے آگے بڑھنے میں تاخیر ہو رہی ہے، وزیر اطلاعات
الیکشن کمیشن کے اس فیصلے کے خلاف پی ٹی آئی نے عدالت سے رجوع کیا تھا، جس کے بعد سپریم کورٹ کے فل کورٹ نے اس پر سماعت کی، اور اکثریتی رائے سے یہ فیصلہ دیا گیا کہ پی ٹی آئی کو بحثیت پارٹی تسلیم کرتے ہوئے انہیں مخصوص نشستیں دی جائیں۔
