وزیراعظم پاکستان محمد شہباز شریف نے سعودی عرب کو ان کے 94ویں یوم الوطنی کے موقع پر اپنے مبارکباد کے پیغام میں کہا ہے کہ عزت مآب شاہ سلمان بن عبدالعزیز اور شہزادہ محمد بن سلمان کی قیادت میں سعودی عرب اکیسویں صدی کے عظیم ملک کی حیثیت سے ابھرا ہے۔
مزید پڑھیں:سعودی عرب کا قومی دن، ایک تاریخی لمحہ
وزیراعظم آفس سے جاری بیان کے مطابق وزیراعظم نے کہا کہ سعودی عرب کا ویژن 2030 دنیا بھر کے لیے مثالی نمونہ ہے۔ آج کے دور میں سعودی عرب کاروبار، ٹیکنالوجی، معیشت اور دیگر شعبوں میں ترقی پذیر ممالک کی مثالی قیادت کر رہا ہے۔ پاکستان اور سعودی عرب کے مابین دینی اور ثقافتی اقدار پر مبنی تاریخی تعلقات ہیں۔
مزید پڑھیں:سعودی قومی ترانے کے خالق، ابراہیم عبدالرحمٰن حسین خفاجی کون تھے؟
ان کا کہنا تھا کہ پاکستان اور سعودی عرب نے تمام مشکلات میں ایک دوسرے کا ساتھ دیا ہے۔ پاکستان کی معیشت کے حالیہ استحکام میں سعودی عرب کے تعاون کے لیے پوری قوم مشکور ہے۔ پاکستان اور سعودی عرب کے مابین برادرانہ تعلقات ان شااللہ ہمیشہ قائم رہیں گے۔
