انکم ٹیکس گوشوارے جمع کرانے کی سوموار 30 ستمبر کو آخری تاریخ ہے جبکہ ویب سائیٹ تک رسائی میں بھی شہریوں کو مشکلات کا سامنا ہے۔ اس لیے ٹیکس گوشوارے جمع کرانے والون کی سہولت کے لیے ایف بی آر کے دفاتر آج بروز اتوار بھی کھلے رہیں گے۔
فیڈرل بورڈ آف ریونیو (ایف بی آر) ذرائع کا کہنا ہےکہ ویب سائیٹ کے تکنیکی مسائل کے ازالے کے لیے مناسب وقت دیا جائے گا، یقینی بنائیں گے کہ کوئی شہری ٹیکس ریٹرن جمع کرانے سے محروم نہ رہے۔
گوشوارے جمع کرانے کی تاریخ میں توسیع نہ کرنے کا فیصلہ
یاد رہے کہ ایف بی آر نے ٹیکس گوشوارے جمع کرانے کے لیے 30 ستمبر تک کا وقت دیا ہوا ہے جس میں توسیع نہیں کی جائے گی۔ دوسری جانب وفاق ایوان ہائے صنعت و تجارت اور کراچی چیمبر آف کامرس اینڈ انڈسٹری نے انکم ٹیکس گوشوارے جمع کرانے میں مشکلات پر اظہارِ تشویش کرتے ہوئے ٹیکس ریٹرن جمع کرانے کی تاریخ میں ایک ماہ کے اضافے کا مطالبہ کیا ہے۔
