لاہور میں اسسٹنٹ سپرنٹنڈنٹ آف پولیس(اے ایس پی) کے یونیفارم میں پولیس دفتر میں گھسنے والے نوسرباز خاتون کو گرفتار کرلیا گیا ہے۔
یہ بھی پڑھیں: اسلام آباد کے پوش سیکٹر میں جعلی پولیس اہلکاروں نے غیرملکی خاتون کو لوٹ لیا
سول لائنز پولیس کے مطابق ایک خاتون اے ایس پی یونیفارم میں پولیس آفس پہنچی اور عملے سے کہا کہ آفیسر کو باہر بلائیں مجھے ان سے کام ہے، آفس داخل ہونیوالی خاتون عائشہ صدیقہ نے پولیس یونیفارم کے ساتھ چپل پہن رکھے تھے۔
سیکیورٹی پر تعینات اہلکاروں کو خاتون کے چپل فینسی ہونے پر شک ہوا اور اس سے پوچھ کچھ کی، اس دوران نوسرباز خاتون پولیس افسر ہونے کا کوئی ثبوت نہ دے سکی۔
یہ بھی پڑھیں: لاہور میں جعلی پولیس اہلکاروں کے ہاتھوں سکھ فیملی بھاری رقم سے محروم، وزیراعلیٰ کا نوٹس
تفتیش کے دوران معلوم ہوا کہ خاتون لاہور ڈیفنس کی رہائشی ہے، پولیس نے خاتون کو حراست میں لے کر مقدمہ درج کرلیا ہے جبکہ ملزمہ سے مزید تفتیش جاری ہے۔
